الشاعرة نور حجازي

لو كان المكان يسمح

ولو قلبك كمان يسمح

       ونتقابل

     ونتعاتب

ونرجع تاني زي زمان

قدر قلبك علي بعدي

       علي بعدك

 قلبي والله مش قادر

 عيونك كات بتوعدني

لو أنت  يوم هاتبعدني

 تعمي وغيري ماتشوفشي

وكات بتقولي ياحبيبتي

أنا ماقدرش تاني أشوف

ولو جابو بنات الحور

و الصحرا بقت بساتين

 راح  فين الحنان والشوق

  فين دقة فؤادك  قول

نسيت كل الوعود بينا

دانا فاكره تفاصلنا

وفاكره دمعه  من عينا

    في لحظة شوق 

وكفك ليا كان منديل

ودمعي ليك دا  كان  حنه

  فين  راح الغرام بينا

ليه زارع في  قلبي الشوك

 لسه ياعمري مسموحلي

     أكون وياك 

لسه ف قلبك الدافي

     لقلبي مكان 

.....نور حجازي....