{ خنت ليه }
============
حتى و أنت جوّه حضني نبض قلبك مش عشاني
سبت نفسي بين إيديك كنت جاي تخوني تاني
كنت حاسّة باللّي بيك سبت عمري بين إيديك
قلت بكره تعرف إن قلبي كان شاريك
ليه يكون جرحك بقسوة يوم ما
يقسي يكون عليا
مهما دار العمر بنّا كنت فاكرة يوم ما ترجع هتلاقينا
بس جيت في لحظة حنيني و ابتدا الدّمع في عنينا
و ابتديت أعرف زماني و ابتديت أكره زمانك
و ابتديت أكره في عمري كلّ لحظة تكون عشانك
خنت ليه قلبي في هواك عمره ما يعرف يخون
كنت باقية ع اللّي ليك خفت من جرح الظّنون
سبتك أنت تجيني تاني كنت عارفة جاي ليه
شفت في عنيك الخيانة شفت جرحي أدّ إيه
بكرة تبقى جوّه حضني و نبض قلبي مش عشانك
بكره لازم تندم لمّا تبكي من زمانك
خون تاني خون أكتر كون أقسى من حنانك
بس لازم تعرف إن قلبي مش مكانك
بقلمي / رانيا سمير
23/10/2020
تعليقات
إرسال تعليق