وبقولهالك
إياك تزعل ولا تلومني على تغيري
ماانت اللي بدأت
بتجرح فيا وتوجعني
وبأسم الحب
وبدافع عني ياظلمني
لكن أنت ... ولايوم صدقت
أنا شكك فيا بيقتلني
وبيقتل بينا كل الود
ياقاتلني معاك مش من دلوقت
بتزيد من هاجرك وقساوتك
مابقاش هجرك ليا دا فارق
غابت كل مشاعرك عني
زي انت ماغبت
لاهالوم ولا هااعتب مره عليك
وان يوم اقربت
إياك تتعشم راح أوصل من تاني الود
الست إن كرهت أيوه بجد
مش ممكن ابداً يوم تترد
أو ترجع تاني بمشاعرها
أتحمل بُعدي ودا أنسب رد
ماانت اللي بديت توجعني بجد
وتزود قسوه وضرب وجلد
خوفك مامنعش الحب يضيع
القسوه مابتزودش الود
خوفك على إني ف لحظه أضيع
ضيعني بجد
مووت كل مشاعرك فيا
واهو ضاع الود وضاع الحب
مابقاش بينا غير بس البُعد
ومشاعر قاسيه بتجرحني ولاأبعد حد
أنا أيوه خلاص
مابقتش البنت البكر ف مشاعرها
حزنك كان وحش بينهشها
واهو فضى غشاء فرحتها معاك
لا طبيب قادر يشفي جروحها
ولا عايزه دواك
قربك مني كان أيوه هلاك
أنا ياما شوفت كتير أوجاع
ودموع وألام
والصبر مني بقى مكسوف
أتحمل دمع وحزن وخوف
كان ليا ونيس في ساعات الليل
بيصبر روحي البردانه ف شهور الصيف
وكمان في كهيك
مابقتش خلاص قادره اتحمل ولا افكر فيك
ولا قادره لأقرب ولا اكمل في حياه ترضيك
والله تعبت
وانت زي ما أنت
لساك بتجرح في مشاعري
لساك قاسي وبتوجعني
وعنيك عميين
دانا أجمل ست ف عين الناس
والكل بيشهد بحلوتي وطيبة قلبي
وفرت الأحساس
ليه قاصد ديماً توجعي
وتقلل مني وتجرحني
أهمالك زاد !!؟
طب إيه يعني
من أمته معاك أنا مره فرحت
طعم الأيام مُر ف حلقي
وف قربك باردك محوطني
صدقني خلاص إحساسك مات
مابقتش في عيني يادوب إلا
غير بس روفات
وباقيا لذكرى بتألمني
أنا بدعي يارب
وانا كلي يقين
هايريح قلبي ويكرمني
وأيامي معاك ميرجعهاش
.... نور حجازي ....
تعليقات
إرسال تعليق