قاضيها هو الجانى .......للشاعر وائل سعيد
ياما نفسي أشقها للديل
بس مافيش عندي هدوم تاني
ونفسي دموعي تنزل سيل
بس رجولتي منعاني
ادفع رسوم نظافة اتنين
على شغلانتي اللي رزقاني
لافيها خدمة ولا فيها طين
وكل الناس دى حساني
عشان حتة موظف شين
سجل إسمي وساب تاني
لسان حالهم هات وبعدين
مش راح تدفع رسوم تاني
روحولي ياهوه نجيبها منين
فلوس عاصية معانداني
فى ظل الظلم في ظل الشين
هبيع الهدمة اللي سترانى
وقال ايه هنا التغيير
وكل حاجة بلون تاني
نلاقي قمة التغيير
فى دنيا قاضيها هو الجاني
.............. وائل سعيد .......
تعليقات
إرسال تعليق