............. رضا الأم ............
رضا الأم نداء من الجنه
ويا بخت من نال رضاها
فضلها في الكتاب والسنه
وبركة الخير في دعاها
أمي حبيبتي كنت أتمني
كل يوووم جنبي القاها
أدت رسالتها بكل أمانه
وبساتين الطيبه جواها
كانت قويه في عز بكاها
وكرامتها فوق أي إهانه
أمي مستحيل أنساها
لسه طعم لقمتها في ريقي
بسمع صووتها في شهيقي
وضحكتها في عز أوجاعها
وهي بتهوون عليا طريقي
ومنديلها اللي شرب دموعها
ما بيفارقش قلبي وصديقي
لسه عطر ريحتها ف أحضاني
لسه نور ضحكتها قدامي
ولما طبطبت عليا في أحزاني
وبحنانها ضيعت ألامي
وراحت مني في ثواني
وسابتني في الدنيا وحداني
عايش غريب علي ذكراها
وبتمني ترجع تاني والقاها
وأسمع تاني وتالت دعاها
أو أروح أقابلها في مأواها
والأم نعمه في عينيك شيلها
مش ح تعرف قيمتها إلا بعد رحيلها
ماتفرطش فيها فرح قلبها وراعيها
لأن عمر الزرعه ما تغير معانيها
............................................
........... حسن الشوان
............
تعليقات
إرسال تعليق